Muçiqi: Murati dikur veteranët e UÇK-së i krahasonte me mercenarë

Kandidati për Asamblenë Komunale të Podujevës nga Partia Demokratike e Kosovës (PDK), Nexhmi Muçiqi, ka reaguar ndaj propozimit të Lëvizjes Vetëvendosje për kryetar të Kuvendit.

Muçiqi ka thënë se qëndrimet e propozuarit, Muratit, ndaj veteranëve të UÇK-së në të kaluarën janë tregues i mendësisë anti-UÇK të kësaj partie.

“Mendësia anti-UÇK e VV-së: Murati që sot u propozua për kryeparlamentar, dikur veteranët e UÇK-së i krahasonte me mercenarë. Shumë e thjeshtë, duhesh me qenë fort anti-UÇK, nëse do që VV me të nderu”, ka shkruar Muçiqi.

Ky reagim vjen pas zhvillimeve të fundit në Kuvendin e Kosovës, ku përzgjedhja e udhëheqësve të institucioneve ka ngjallur debate të shumta mes partive politike.