Vajza shqiptare kapet me 4.4gr kokainë, thotë se e ka për përdorim personal

Marina Fara, vajza e këngëtares së njohur Eli Fara, është ndaluar nga policia në Vorë pasi u kap me një sasi të vogël kokaine.

E regjistruar në dokumente si Roxhensa Kapurani, 39-vjeçarja kishte fshehur 4.4 gram kokainë në portofol. Para uniformave blu, ajo ka pranuar: “E kisha për përdorim personal kokainën.”

Kjo nuk është hera e parë që Marina Fara lidhet me ngjarje të tilla. Pesë vite më parë, ajo u përfshi në përgjimet e policisë gjatë operacionit “Mezhgorani”, ku u arrestuan mbi 30 persona. Në atë kohë, dyshohej se Marina kishte ndihmuar dy të dyshuar që të arratiseshin pas transportimit të drogës.

Burimet tregojnë se dy të dyshuarit, duke u ndjerë të ndjekur nga policia, braktisën makinën me drogën dhe udhëtuan në këmbë. Ata telefonuan Marinën dhe mikeshën e saj që t’i merrnin. Marina, e njohur gjithashtu si Roxhensa Kapurani, shkoi për t’i ndihmuar dy djemtë.

Operacioni “Mezhgorani” çoi në arrestimin e më shumë se 30 personave, të akuzuar për “Prodhim dhe shitje të lëndëve narkotike”, “Falsifikim dokumentesh” dhe “Armëmbajtje pa leje”. Për Marina Faran, policia atëherë kryente vetëm kontroll në banesë.