Shifra marramendëse: Rrahmani me kontratën e re do të fitojë kaq milionë euro te Napoli

Napoli është shumë afër arritjes së një marrëveshjeje për zgjatjen e kontratës me mbrojtësin kosovar, Amir Rrahmani, deri në qershor të vitit 2029, raporton gazetari italian Nicolo Schira.

Bisedimet mes klubit dhe përfaqësuesve të lojtarit kanë qenë pozitive, dhe sipas Schira, marrëveshja pritet të finalizohet së shpejti.

Rrahmani do të përfitojë një rritje të pagës në rreth 2.5 milionë euro në sezon, si shenjë e vlerësimit për kontributin e tij në skuadër.

Mbrojtësi 31-vjeçar është një nga figurat kyçe të Napolit në repartin defensiv, dhe me përvojën, disiplinën taktike dhe lidershipin e tij, klubi e sheh atë si një shtyllë themelore për të ardhmen.