Arrestohet Shkëlqim Vokri në Belgjikë, kjo është arsyeja
Rear view of two multiracial police officers arresting a criminal suspect, a man with his hands handcuffed behind his back. One of the officers is an African-American man and the other is a policewoman, both in their 40s.
Është arrestuar në Belgjikë 56-vjeçari shqiptar Shkëlqim Vokri, i shpallur në kërkim nga autoritetet holandeze për trafik të lëndëve narkotike.
Policia njofton se Vokri i cili posedon dokumente holandeze duhet të vuajë dënimin prej 686 ditësh burgim të mbetura në Holandë.
“Në kuadër të bashkëpunimit të ngushtë me rrjetin ENFAST dhe homologët e FAST Holandës dhe FAST Belgjikës, është bërë i mundur lokalizimi dhe arrestimi në shtetin e Belgjikës i shtetasit shqiptar Shkëlqim Vokri, 56 vjeç, banues në Dërmenas, Fier, i cili posedonte dokument me shtetësi holandeze.
Ky shtetas rezultonte i shpallur në kërkim nga autoritetet e shtetit holandez, pasi, bazuar në urdhrin e arrestit europian dhe ndërkombëtar (EAË/IAË), duhet të vazhdojë vuajtjen e dënimit prej 686 ditësh burgim të mbetura, lidhur me veprën penale të “Shkeljes së aktit për drogat” (trafikim të lëndëve narkotike), të parashikuar nga Kodi Penal Holandez, në lidhje me transportin e 250 kg kokainë në shtetin holandez”, njofton policia.
Sipas policisë, operacioni u realizua falë shkëmbimit në kohë reale të informacionit të siguruar nga Fast Albania dhe bashkëpunimit operacional ndërmjet strukturave të FAST Albania, pranë Drejtorisë së Forcës së Posaçme Operacionale në Departamentin e Policisë Kriminale të Policisë së Shtetit, dhe partnerëve ndërkombëtarë, konkretisht me FAST Holandën dhe FAST Belgjikën.
