E dhimbshme: Ky është 31-vjeçari që u godit nga lisi dhe humbi jetën

Një ngjarje e rëndë ka ndodhur sot pasdite në fshatin Hajkobillë të Prishtinës, ku një 31-vjeçar ka humbur jetën pasi është goditur nga një lis.

Rreth orës 16:46, Policia ka pranuar informacionin për një person që kishte mbetur i lënduar rëndë në vendin e njohur si “Kodra e Hajkobillës”, raporton PodujevaSot.net.

Menjëherë janë njoftuar njësitë policore dhe ekipi i emergjencës. Disa qytetarë që gjendeshin aty afër kanë tentuar ta dërgojnë të lënduarin drejt spitalit.

Fatkeqësisht, gjatë rrugës në fshatin Dabishevc, ai nuk arriti t’u mbijetojë plagëve, raporton PodujevaSot.net.

Viktima është identifikuar si Lirim Gashi, rreth 31-vjeçar.

Njësitë e hetimeve dhe Instituti i Mjekësisë Ligjore janë angazhuar për veprimet e mëtejme.

Do t’ju mbajmë të informuar.