BE jep 7.5 milionë euro për Kosovën – kush përfiton nga kjo ndihmë?
Bashkimi Evropian ka ndarë edhe 7.5 milionë euro për Kosovën, si pjesë e Pakos së Mbështetjes Energjetike (IPA 2023), duke e rikonfirmuar përkushtimin e tij ndaj tranzicionit të gjelbër dhe energjisë së pastër, raporton PodujevaSot.net.
Ky financim i ri është bërë më 19 gusht 2025, duke e çuar në 75 milionë euro shumën e përgjithshme që BE-ja ka dhënë deri më tani për sektorin e energjisë në vend.
Me këto mjete:
-
Mbi 200,000 familje kanë marrë ndihmë për faturat e energjisë,
-
3,600 shtëpi janë rinovuar për efiçiencë energjetike,
-
28 objekte banesore të familjeve të cenueshme janë në proces rinovimi,
-
40,000 familje dhe 154 biznese janë pajisur me panele diellore dhe pajisje efiçiente, raporton PodujevaSot.net.
BE-ja thotë se do të vazhdojë ta mbështesë Kosovën drejt energjisë së qëndrueshme, dekarbonizimit dhe sigurisë energjetike.
