Aksident i rëndë: 6 persona të lënduar pasi dy vetura u përplasën ballë për ballë

Një aksident i rëndë trafiku ka ndodhur mbrëmë në Leposaviq, ku si pasojë kanë mbetur të lënduar gjashtë persona, përfshirë dy fëmijë të mitur.

Ngjarja është raportuar të ketë ndodhur më 25 gusht 2025, rreth orës 21:20, në rrugën nacionale 22.3, në fshatin Dren, ku u përfshinë dy vetura civile: një VW Scirocco, ngjyrë e zezë, me targa vendore, dhe një Ford Focus, ngjyrë hiri, me targa serbe, raporton PodujevaSot.net.

Sipas hetimeve të para, dyshohet se aksidenti ndodhi pasi vetura VW Scirocco, që po lëvizte në drejtim të Leposaviq–Jarinjë, kaloi në shiritin e kundërt dhe u përplas me pjesën e përparme me veturën Ford Focus që po vinte nga drejtimi i kundërt.

Nga përplasja u lënduan 6 persona: H.D (22 vjeç), E.D (25 vjeç), N.N (53 vjeç), T.M (12 vjeç), V.V (12 vjeç) dhe shoferi i njërës prej veturave. Të gjithë të lënduarit kanë marrë ndihmën e parë mjekësore, ndërsa rasti është duke u hetuar nga njësitë kompetente të Policisë, raporton PodujevaSot.net.

Autoritetet policore kanë nisur procedurat hetimore për zbardhjen e plotë të shkaqeve të aksidentit.