Edhe 5 ditë nis mësimi, Ministria e Arsimit ende nuk ka subvencionuar prindërit

Me gjithë faktin se kanë mbetur vetëm 5 ditë deri në fillimin e vitit të ri shkollor, Ministria e Arsimit, Shkencës, Teknologjisë dhe Inovacionit (MASHT) ende nuk ka ekzekutuar subvencionin prej 80 eurosh për prindërit, i cili ishte premtuar për blerjen e teksteve dhe materialeve shkollore, shkruan AlbanianEducation.net.

Procesi i aplikimit për subvencion ka nisur me vonesë në platformën e-Kosova, ndërsa shumë prindër po përballen me paqartësi rreth afatit të pagesës.

Ndërkohë, Sindikata e Bashkuar e Arsimit, Shkencës dhe Kulturës (SBASHK) ka shprehur shqetësimin se shuma prej 80 eurosh është e pamjaftueshme për të përballuar koston reale të librave dhe mjeteve të nevojshme mësimore, veçanërisht për familjet me më shumë fëmijë në sistemin shkollor.