A e votoi Bashën, tregon Ganimete Musliu

Nait Hasani, Ganimete Musliu, Kosovare Murseli  dhe Fadil Demaku votuan kundër Dimal Bashës së propozuar nga Vetëvendosje për Kryetar të Kuvendit.

Deputetja, Ganimete Musliu, ka reaguar në një postim në “Facebook” duke treguar arsyet se pse nuk votoi Bashën.

Ajo tha se vota ndaj tij do ishte tradhti ndaj votuesve të saj.

“Nuk mund të votoj për Kryetar të Kuvendit një person që karrierën politike e ka ndërtuar, jo mbi vizioni e unitetin, por mbi urrejtje dhe përçarje. Si qytetare dhe si deputete, nuk mund të pranoj që në një nga pozitat më të larta shtetërore të ulet dikush që hapur ka treguar përçmim ndaj Ushtrisë Çlitimtare, ndaj Drenicës, ndaj PDK-së dhe ndaj figurës së Hashim Thaçit . Vota për një përçarës si Dimal Basha do të quhej tradhëti ndaj besimit të mbi 31 000 votuesve të cilët i kanë besuar fjalës time për më shumë se 16-të vjet”, tha ajo.

Sipas saj vendi ka nevojë për udhëheqës që bashkojnë.

“Ne kemi nevojë për udhëheqës që bashkojnë, jo që përçajnë e përçmojnë.

Ne kemi nevojë për dinjitet!

Ky nuk është inat – ËSHTË PARIM”, shkroi Musliu.