E rëndë: 17 vjeçarja e familjes Haliti sulmohet seksualisht

Vajzat dhe gratë po vazhdojnë të jenë viktimat më të shpeshta të dhunës në familje, ngacmimeve, sulmeve seksuale e dhunimeve. Këto raste bëhen edhe më të tmerrshme kur viktima janë vajzat e mitura, nën moshën 18-vjeçare, raporton Gazeta Sinjali.

Së fundmi, një rast i tillë është raportuar në Ferizaj, ku viktimë është një e mitur.

Sinjali mëson se më 18 gusht, një vajzë e lindur në vitin 2008 ka denoncuar se ishte viktimë e abuzimit seksual nga një 24-vjeçar, i identifikuar si E. Haliti, rreth 24-vjeçar, nga fshati Greme.

Hetuesit kanë arritur të identifikojnë dhe intervistojnë të dyshuarin në prani të avokatit mbrojtës. Haliti ka pranuar se ishte njohur me viktimën përmes rrjetit social Snapchat dhe se kishte dalë një herë me të, por ka mohuar se ka pasur kontakt fizik.

Lidhur me rastin është njoftuar Prokurori kujdestar, i cili ka autorizuar që i dyshuari të intervistohet dhe që procedura të vazhdojë në mënyrë të rregullt.

Rasti është cilësuar si “Sulm seksual” dhe hetimet janë në vazhdim.