Lajmi i fundit: Ky është personi që u gjet pa shenja jete në banesën e tij

Një ngjarje e rëndë është raportuar sot në Mitrovicën e Veriut.

Sinjali mëson se rreth orës 14:25, në rrugën “Filip Vishnjiq”, është gjetur pa shenja jete në banesën e tij Omer Kasumoviq, 53-vjeçar.

Rastin e kanë raportuar njësitë e ambulancës së qytetit, ndërsa në vendngjarje kanë dalë policia, hetuesia dhe forenzika rajonale.

Vdekjen e viktimës e ka konstatuar mjeku, ndërkohë që me urdhër të prokurorit të shtetit trupi është dërguar në Qendrën e Mjekësisë Ligjore në Prishtinë për obduksion.

Prokurori ka urdhëruar që rasti të iniciohet si “Vdekje e dyshimtë”.