Burri rrah gruan, viktima me lëndime të rënda trupore

Numri i rasteve të dhunës në familje në vendin tonë ka marrë përmasa shqetësuese. Çdo ditë raportohen ngjarje të tilla ku viktima zakonisht janë gratë dhe vajzat që përjetojnë dhunë psikike e fizike kryesisht nga bashkëshortët e tyre, raporton Gazeta Sinjali.

Një rast i tillë dhune në familje ka ndodhur mbrëmjen e 26 gushtit në fshatin Vatë të Kaçanikut.

Sinjali mëson se rreth orës 20:40, policia është njoftuar për një incident në rrugën “Rremza Sharri”, ku viktimë ka mbetur një grua 53-vjeçare, e identifikuar si M. Xh., rreth 53-vjeçar. Ajo ka marrë trajtim mjekësor dhe sipas mjekëve ka pësuar lëndime të rënda trupore.

Me urdhër të Prokurorit të Shtetit, rasti është iniciuar si “Lëndim i rëndë trupor”, ndërsa i dyshuari është dërguar në ndalim për 48 orë.