Basha krahason veten me Rugovën, thotë se po sulmohet njësoj

Kryetari i sapozgjedhur i Kuvendit të Kosovës, Dimal Basha është deklaruar sot para mediave në lidhje me publikimin e vitit 2012, në të cilin autor ishte edhe ai.

Në publikimin e një “artikulli shkencor” të botuar në revistën “Open Edition Journalist” në bashkautorësi me Jana Arsovska, UÇK-ja thuhej se u “financua nga para të drogës e të trafikantëve të drogës”.

Artikulli në fjalë i Dimal Bashës, sot të zgjedhur Kryetar të Kuvendit të Kosovës, portretizojnë një luftë çlirimtare shqiptare të gërshetuar me krim transnaciona dhe trafikantë të drogës – kësisoj, duke jehuar një tregim që shkon përtej tregimit të regjimit të Millosheviqit dhe narracionit rus për luftën në Kosovë.

Basha para mediave sot tha se deklaron se nuk është hera e parë që si Dimal Basha e as si Vetëvendosje sulmohen nga të pavërteta nga caqe të ndryshme.

“Është e lodhshme  që shpifjet nuk kanë të ndalur dhe për këtë ndjen përgjegjësi që të sqarohet para qytetarëve për akuzat e ulëta që janë ngritur kundër meje.Më 2012 kohën kur kam qenë student, sikurse plot të tjerë kemi dorëzuar hulumtime  për publikim. Asokohe kam bërë hulumtim për çështjen e depërtimit të islamit fundamentalist në Evropën Juglindore, por gjithmonë në fokus Kosovën. Kam dërguar hulumtimin vetëm për këtë temë dhe këtu përfundon përgjegjësia ime në lidhje me punimin në fjalë.Sa për dijeni, edhe tema ime e diplomës që kam në Master në vitin 2013 gjithashtu mbulon vetëm këtë pjesë, asnjë fjalë të vetme nuk e gjeni fjalën UÇK apo çkado tejtër. Të njëjtën e thotë edhe vetë profesoresha që ka punuar në fakultetin ku kam studiuar për Bachelor dhe e cila personalisht ka dërguar një email demantues në media ku ka qartësuar se kam dërguar publikimin vetëm për atë dhe s’kam shkruar asnjë shkronjë, asnjë fjalë e asnjë fjali me ndonjë kapitull tjetër”,tha Basha, shkruan lajmi.net.

Ai deklaroi se këto akuza janë shumë të ulëta dhe rënduese për të, por edhe për qytetarët e Kosovës.

“Sepse unë në vitin 2010 kam publikuar shkrim që do ta shpërndajë me ju ku kam bërë thirrje që të luftohet ky raport i Dick Martyt pasi do të na kushtojë shumë si popull, por edhe si vend. Ky shkrim është i publikuar në gazetën telegrafi asokohe pra më 2010.Për shkak sea sokohe ka pasur neglizhencë dhe kam dërguar mesazh që të reagojnë sa më shpejtë. Unë si Kryetar Kuvendi e si qytetar e kam të shenjtë luftën e UCK-së dhe sakrificën e popullit tonë për liri. I përulem secilit që ka kontribuar në luftë dhe në paqe dhe deklaroj me përgjegjësinë më të madhe qytetar e kombëtare se kurrë në jetën timë s’është shkruar e s’do të gjendet asnjë përmbajtje që bie ndesh me këtë vlerë të shenjtë të popullit.Distancohem nga të gjithë ata që kanë shkruar kundër kësaj vlere. Për dy mandate kam bërë beteja të mjaftueshme në këtë Kuvend e sic ed dini edhe jashtë tij. Përgjatë 6 viteve portalet e shumë të ashtuquajtur gazetarë s’kanë ndaluar kurrë duke më ofenduar edhe mënyrën më ulët të mundshme e me burime të gazetave të Beogradit”,shtoi ai.

Basha tha se “Kjo s’është sot, por të njëjtit e kanë bërë të njëjtën propagandë kundër zv/kryeministres Donika Gërvalla, për vite të tëra, vajzën e heroit.Të njëjtit edhe presidentin historic Rugova dikur e quanin tradhtare, e vazhdojnë me ofendime ndaj kryeministrit Kurti duke e qujautr njeri të Serbisë, pra nga të njëjtat lobime e qarqë që kanë lobuar kundër ndarjes së Kosovës, e të njëjtit e kanë krijuar edhe Listën Serbe”.

Basha tha se s’do të vazhdojë të ndalet së punuari për Kosovën.

“S’jam ndalur asnjëherë dhe s’do të ndalem, e puna ime vlerësohet për këto 6 vite dhe asnjëherë s’kam marrë asnjë vendim kundër kësaj Republike. Pas një ore kemi seancën e radhës ku sic e dini kemi mbetur tek pika e katër, sepse në seancën e kaluar asnjë kandidatë nga komuniteti serb s’i mori votat e mjaftueshme për nënkryetar të Kuvendit, as nga Lista Serbe as Nenad Rashiq”./Lajmi.net/