Pritje të gjata në kufirin Serbi – Kroaci

Bashkatdhetarët që kaluan pushimet në Kosovë tashmë janë nisur për t’u kthyer në vendet ku jetojnë dhe punojnë.

Në pikat kufitare të Kosovës gjatë ditëve të fundit është vërejtur një fluks i madh, duke shkaktuar pritje të gjata në dalje. Megjithatë, tashmë pritjet në kufijtë e Kosovës janë zvogëluar ndjeshëm.

Ndërkohë, situata paraqitet më e rënduar në kufirin Serbi–Kroaci, ku kolonat e automjeteve janë të gjata dhe pritjet arrijnë deri në 4 orë, sipas raportimeve të bashkatdhetarëve.