Podujevë: Arrestohet një person, kjo është arsyeja

Një operacion i policisë në Podujevë ka përfunduar me arrestimin e një të mituri, pasi tek ai u gjetën substanca narkotike dhe mjete të ndryshme që shërbejnë për përpunimin e drogës.

Gjatë kontrollit të një automjeti të dyshuar, policia sekuestroi rreth 1 gram lëndë që dyshohet të jetë marihuanë, një thikë dhe një mulli për bluarje, të cilat u morën si prova materiale, raporton PodujevaSot.net.

Hetimet e mëtejshme zbuluan edhe mbi 10 gram të së njëjtës lëndë narkotike tek i mituri, i cili u intervistua në prani të përfaqësuesve ligjorë. Me urdhër të prokurorit, ndaj tij është caktuar masa e ndalimit për 24 orë.
raporton PodujevaSot.net

Ndërkohë, një person tjetër madhor që ndodhej me të u mor në pyetje si dëshmitar, por edhe ndaj tij është hapur rast për posedim narkotikësh. Hetimet mbi këtë rast po vazhdojnë.