Njëri nga asambleistët më aktivë në Podujevë do të kandidojë sërish për Asamble

Njëri nga asambleistët më aktivë në Podujevë, Xhevdet Maloku, ka konfirmuar se do të kandidojë sërish për Asamblenë Komunale.

Xhevdet Maloku, i cili në mandatin e kaluar është vlerësuar për angazhimin dhe pjesëmarrjen aktive në diskutime e vendimmarrje, këtë herë garon me numrin 29 në listën e Lëvizjes Vetëvendosje.

Pritet që gara për Asamblenë Komunale të jetë mjaft dinamike, ndërsa Xhevdet Maloku ka paralajmëruar vazhdimin e angazhimit të tij për çështjet lokale dhe përfaqësimin e qytetarëve të Podujevës.