Jasharaj flet për fillimin e vitit shkollor – a përmendet greva?!

Pasi më 1 shtator fillon viti i ri shkollor, kryetari i SBASHK-ut, Rrahman Jasharaj, ka uruar mësimdhënësit, prindërit dhe nxënësit për një fillim të mbarë. Ai shprehu shpresën që të mos përsëritet situata e dy viteve të kaluara kur nxënësit nuk u pajisën me libra në kohë.

Në adresimin e tij, Jasharaj nuk foli për grevë, por përsëriti kërkesën që MAShTI të sigurojë furnizimin e plotë me tekste shkollore dhe mjete mësimore për nxënësit, raporton PodujevaSot.net.

Ai kritikoi edhe Qeverinë Kurti, duke thënë se shpesh i sheh si “armiq” ata që guxojnë ta kritikojnë.

Jasharaj i ftoi mësimdhënësit që të vazhdojnë misionin e tyre të shenjtë për edukimin e brezave dhe prindërit që të jenë pranë mësuesve në çdo sfidë, raporton PodujevaSot.net.

Nxënësve, ndërkaq, u përcolli urime për vitin e ri, duke i inkurajuar të angazhohen për dije dhe të dëgjojnë këshillat e mësuesve e prindërve.