Nexhmi Muçiqi: Do t’i kthejmë dinjitetin Llapashticës në përfaqësim

Nexhmi Muçiqi do të garojë për Asamblenë Komunale të Podujevës në zgjedhjet e 12 tetorit, me numrin 8, në listën e PDK-së.

Në një postim publik, ai tha se ndihet i privilegjuar për besimin e dhënë dhe se do të angazhohet që Llapashticës t’i rikthehet dinjiteti në përfaqësim.

“E di se vendi ka probleme të ndryshme dhe jam i vetëdijshëm se nuk mund të zgjidhen të gjitha përnjëherë, por punëve duhet t’u qasemi një nga një. Asnjëherë nuk them se është gjithçka zi, por e di se mund të bëhet më shumë e më mirë,” u shpreh Muçiqi.

Ai theksoi se vota e qytetarëve më 12 tetor është vendimtare për projektet 4-vjeçare që planifikohen për Llapashticën dhe gjithë komunën.