Parashikimi i motit për nesër

Nesër në Kosovë pritet ndryshim i motit, por masat e nxehta ajrore do të jenë ende të qëndrueshme gjatë ditës për shkak të ajrit të nxehtë para-frontal.

Paradite dhe eventualisht edhe në mesditë do të jetë ende mjaft nxehtë dhe me intervale kohore me diell. Pasdite shtim i konsiderueshëm i vranësirave me reshje shiu e rrebeshe lokale shiu me vetëtima dhe bubullimë. Mund të krijohen edhe vranësira të dendura nga ndonjë sistem i fuqishëm frontal me rrebeshe mjaft intensive dhe erëra të fuqishme sidomos në kohën e kalimit të frontit të ftohtë.

Temperaturat paradite dhe në mesditë mjaft të larta për të shënuar ulje të ndjeshme gjatë dhe pas frontit të ftohtë dhe rrebesheve të shiut.

Në Shqipëri nesër pritet të mbajë mot mjaft i paqëndrueshëm, me depërtime dhe zhvillime mjaft të fuqishme të masave ajrore jo-stabile dhe turbulente.

Si pasojë priten shtrëngata të fuqishme lokale me shi, erëra të fuqishme dhe lokalisht edhe breshër. Shrëngata të fuqishme priten edhe në shumë vise bregdetare. Temperaturat do të shënojnë ulje, ndërsa në disa zona rrebeshet shumë intensive mund të shkaktojnë përmbytje të shpejta.

Stuhi të fuqishme dhe rrebeshe intensive nesër pritet edhe në Mal të Zi, ndërsa në Maqedoninë Veriore dhe Luginë të Preshevës vranësirat me rrebeshe lokale shiu me vetëtima dhe bubullimë arrijnë pasdite dhe në mbrëmje.

E diela vjen pak më e qetë, me vranësira e intervale të gjata kohore me diell. Në disa zona me zhvillime të rrebesheve të shpeshta të shiut sidomos në veriperëndim të Shqipërisë. Pasdite edhe në Kosovë dhe Maqedoninë Veriore pritet rrebeshe lokale shiu me vetëtima dhe bubullimë, por vetëm në disa rajone.

Të Hënën stabilizim dhe përmirësim i motit./MeteoBallkan