Ky është 23 vjeçari që theri me thikë axhën për shkak të muzikës

Gazeta Sinjali raportoi pak më parë për një ngjarje të rëndë që ka ndodhur mbrëmë në fshatin Tërnovë të Skenderajt, ku një konflikt banal mes familjarëve ka përfunduar në tentim vrasjeje.

Burimet e Sinjalit bëjnë me dije se i dyshuari është Shqipdon Kajtazi, 23 vjeçar, i cili u arrestua nga Policia pasi dyshohet se e theri me thikë axhën e tij, S. K, 61-vjeçar.

Ngjarja ndodhi pasi viktima i kishte kërkuar nipit të ulte muzikën që po e dëgjonte me zë të lartë në veturën e tij. Pas këtij momenti, i riu shkoi në shtëpi, mori një thikë dhe u rikthye duke e sulmuar axhën e tij në oborr, duke e plagosur rëndë.

Viktima u dërgua fillimisht në QKMF Istog dhe më pas në Spitalin Rajonal të Pejës, ku po merr trajtimin e nevojshëm.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.