Lajmi i fundit: Dy aeroplanë nuk mund të aterojnë në aeroportin e Tiranës, sillen në ajër për disa minuta

Një avion i linjës Paris-Tiranë dhe një tjetër i linjës Varshavë-Tiranë kanë ardhur vërdallë në ajër, në pamundësi për t’u ulur në aeroportin “Nënë Tereza”.

Kjo si pasojë e motit të keq me stuhi ere dhe reshje të dendura shiu që ka përfshirë prej disa minutash vendin tonë.

Sakaq, terminalet në Rinas janë të tejmbushura nga pasagjerët që presin të nisen për në vendet e BE dhe jo vetëm.

Po ashtu raportohet që për shkak të stuhisë në dhjetëra itinerare të ketë vonesa, por edhe në shumë të tjerë të jenë shtyre fluturimet me disa orë apo anuluar.

Fillimisht reshjet e shiut nisën në Tiranë, më pas në Durrës, ku pjesa më e madhe e qytetit është zhytur nën ujë dhe sëfundmi edhe në Vlorë.

Sipas shërbimeve meteorologjike, moti i keq pritet të zgjasë deri ditën e nesërme.

Qytetarët janë këshilluar të shmangin lëvizjet e panevojshme, për të shmangur rrezikun.