Pamje heroike e dy qytetarëve: Një gur i madh bie në rrugë, ata dalin nga makinat dhe e largojnë
Një gur i madh është shkëputur nga shpati i malit dhe ka rënë sot në bajpasin e Vlorës, duke rrezikuar qarkullimin e automjeteve në zonë.
Fatmirësisht, në momentin e rënies nuk ka pasur mjete që kalonin aty pranë, çka shmangu pasoja të rënda. Megjithatë, guri i madh bllokoi një korsi të rrugës duke krijuar rrezik për drejtuesit e mjeteve.
Dy qytetarë, të cilët po udhëtonin në atë segment, ndaluan makinat e tyre dhe dolën për të spostuar gurin nga rruga. Veprimi i tyre është vlerësuar si një gjest solidariteti dhe ndihme për komunitetin, duke shmangur një aksident të mundshëm.
Autoritetet lokale ende nuk kanë reaguar për ngjarjen, ndërsa qytetarët bëjnë apel për ndërhyrje të shpejtë dhe kontroll të vazhdueshëm të skarpateve, në mënyrë që të parandalohet përsëritja e incidenteve të tilla.
Më poshtë video:
