“Tradita” dhe “Ujë për jetë” freskojnë llapjanët me ujë

Shoqata Humanitare “Tradita”, në bashkëpunim me iniciativën “Ujë për jetë”, ka organizuar një aksion humanitar për shpërndarjen e ujit falas në qytetin e Podujevës dhe në pikën kufitare në Merdare, në këto ditë me temperatura të larta.

Ky është viti i shtatë me radhë që realizohen aktivitete të tilla nga iniciativa “Ujë për jetë” dhe njëkohësisht bashkëpunimi i dytë me Shoqatën “Tradita”.

Aksioni është pritur me mirënjohje të madhe nga qytetarët e Podujevës dhe sidomos nga mërgimtarët, të cilët janë duke kaluar përmes pikës kufitare në Merdare.

Përfaqësuesit e shoqatës theksuan se qëllimi i tyre është të ofrojnë lehtësim e freski për qytetarët dhe mërgimtarët në këtë periudhë të vështirë me temperatura ekstreme, ndërsa falënderuan bamirësit që e bënë të mundur realizimin e aksionit.