28 vjeçari nga Kosova arrestohet në Austri dhe i konfiskohen rreth 80 mijë euro

Një 28-vjeçar nga Kosova është shpallur fajtor për trafikim droge nga Gjykata Rajonale e Feldkirchut në Austri.

Ai u arrestua në nëntor të vitit të kaluar, pasi në një veturë në Dornbirn u gjetën rreth 79 mijë euro para të gatshme, katër kilogramë kanabis, një kilogram kokainë dhe një peshore droge.

Prokuroria nuk arriti të përcaktojë sasinë dhe frekuencën e shitjeve, por u vërtetua se i riu kishte qenë aktiv në këtë veprimtari.

28-vjeçari u mbrojt duke thënë se kishte shkuar te makina vetëm për të marrë xhaketën e të dashurës. Por dëshmitë tjera e implikuan drejtpërdrejt, shkruan krone.at, transmeton albinfo.at, raporton PodujevaSot.net.

Gjykata e shpalli fajtor dhe e dënoi me dy vite burg.

Po ashtu u urdhërua konfiskimi i shumës prej 78,720 euro. Vendimi tashmë është i formës së prerë, raporton PodujevaSot.net.