Edon Zhegrova, futbollisti më i ri i Juventusit
Sulmuesi kosovar Edon Zhegrova tashmë mund të konsiderohet si futbollisti më i ri i Juventusit.
Këtë lajm e ka konfirmuar gazetari i njohur Fabrizio Romano përmes një njoftimi në rrjetet e tij sociale.
Sipas Romanos, Lille ka pranuar një paketë financiare rreth 20 milionë eurosh, me Zhegrovën që tashmë ishte pajtuar sa i përket kushteve personale.
Në anën tjetër është arritur praktikisht marrëveshja për kalimin e Nico Gonzalez tek Atletico Madridi dhe kjo i ka hapur rrugë transferimit të Zhegrovës në Turin.
Vlen të theksohet që Zhegrova kishte arritur marrëveshje sa i përket kushteve personale edhe me Marseille, por Lille kishte refuzuar që ta shesë atë tek një rival direkt në kampionat.
Transferimi tek Juventusi është padyshim hapi më i madh në karrierën e Zhegrovës, teksa kujtojmë se ai më parë ka luajtur në Zvicër, Belgjikë dhe Francë.
Zhegrova pritet që niset sot (e diel) drejt Italisë, para se t’i nënshtrohet testeve mjekësore tek klubi i ri.
⚪️⚫️ Edon Zhegrova to Juventus, here we go! Deal done and exclusive story confirmed.
Lille accept package in excess of €20m as Zhegrova wanted Juventus move with personal terms agreed.
New winger for Igor Tudor. pic.twitter.com/KbQXGuLVOd
— Fabrizio Romano (@FabrizioRomano) August 31, 2025
