Fatos Cenaj vritet në Itali, kjo dyshohet të jetë arsyeja

Autoritetet italiane kanë zbuluar detaje të reja për vrasjen e 58-vjeçarit shqiptar, Fatos Cenaj, në Padova më 8 qershor.

Hetimet po fokusohen në një pistë hakmarrjeje të lidhur me ngjarje të mëparshme në Shqipëri. Prokurorja Maria d’Arpa ka deklaruar se vrasja dyshohet të jetë kryer me paramendim, raporton PodujevaSot.net.

Pamjet filmike dhe dëshmitë nga vendngjarja tregojnë se bëhet fjalë për një atentat të planifikuar. Në Itali nuk është konstatuar ndonjë konflikt i tij, duke përforcuar versionin se shkaqet lidhen me të kaluarën. Hetimi është shtrirë edhe në Shqipëri, me bashkëpunimin e autoriteteve të dy vendeve, raporton PodujevaSot.net.

Ngjarja ndodhi në mëngjes, kur Cenaj ishte nisur për punë. Fillimisht u raportua si incident i zakonshëm, por pas ekzaminimeve u zbulua se ishte qëlluar me armë zjarri në kokë. Ai ndërroi jetë tre ditë më vonë.

Fatos Cenaj kishte punuar në sistemin penitenciar në Shqipëri. Në Itali jetonte prej dy vitesh në Fontaniva me bashkëshorten dhe vajzën. Pas ngjarjes, familja është larguar nga banesa për arsye sigurie.