E dhimbshme: Kjo është 10 vjeçarja që vdiq në aksident

Një vajzë 10-vjeçare nga fshati Caravik i Klinës ka humbur jetën tragjikisht këtë të diel, më 31 gusht 2025, pas një aksidenti trafiku që ka ndodhur në fshatin Zabel i Ulët të Drenasit.

Viktima është identifikuar si Tuana Limanaj, 10 vjeçe.

Lajmin e hidhur për ndarjen e saj nga jeta e ka konfirmuar edhe babai i saj, i cili ka njoftuar në rrjetet sociale për ceremoninë e varrimit.

Familja Limanaj ka bërë të ditur se për ngushëllime do të presë ditën e hënë, më 1 shtator 2025, në fshatin Caravik, lagjja e Muhaxherëve, ndërsa koha e varrimit do të njoftohet më vonë.