Liridonë Muharremi kandidon për Asamblenë Komunale
Profesori universitar, Ridvan Peshkopia, ka reaguar në rrjetet sociale pas shpalljes së kandidaturës së Liridonë Muharremit për Kuvendin Komunal të Mitrovicës së Jugut nga radhët e Partisë Demokratike të Kosovës, shkruan “Jepi zë”.
Ai ka shprehur krenari për ish-studenten e tij, duke theksuar se brezi i ri politik po hyn në garë me dashuri për atdheun, përkushtim ndaj qytetarëve dhe vizion për të ardhmen e vendit.
“Erdhi dita kur ish-studentët e mi po kandidojnë për të qeverisur vendin. Parti të ndryshme, platforma të ndryshme, e njëjta dashuri për atdheun, i njëjti shqetësim për qytetarin, i njëjti pasion për të ardhmen e kombit tonë”, ka shkruar Peshkopia.
Liridonë Muharremi është kandidate për asamblenë komunale në Mitrovicën e Jugut, duke synuar të sjellë ndryshime të qëndrueshme në këtë komunë përmes angazhimit të saj politik.
