“Nuk doja më të jetoja…” – Rrëfimi tronditës i Andres Iniestas

Legjenda e futbollit spanjoll, Andrés Iniesta, ka ndarë hapur një pjesë të errët të jetës së tij, duke treguar për përballjen me depresionin.

Ai ka pranuar se në atë periudhë të vështirë, i vetmi lehtësim ishte nata dhe gjumi pas marrjes së pilulave, ndërsa nuk ndiente asgjë, madje as në momentet kur përqafonte bashkëshorten e tij.

Iniesta tregon se sot vazhdon terapinë për të ruajtur ekuilibrin dhe kontrollin emocional. Ai shprehet i lumtur që gjithnjë e më shumë njerëz, qoftë atletë, profesionistë apo qytetarë të zakonshëm, flasin hapur për shëndetin mendor, sepse sipas tij, ky guxim mund të shpëtojë jetë.

Mesazhi i tij është i qartë: depresioni nuk diskriminon. “Mund të prekë këdo, pavarësisht suksesit apo pasurisë materiale. Mund të kesh të gjitha makinat e luksin e botës, por asgjë nuk të bën imun ndaj demonëve të brendshëm,” ka thënë Iniesta.