31 vjeçari shqiptar vret kushëririn në Angli
Një ngjarje e rëndë ka ndodhur më 29 gusht në Leeds të Anglisë, ku një konflikt mes dy kushërinjve shqiptarë ka përfunduar me vrasjen e njërit prej tyre.
Policia britanike ka bërë thirrje që kushdo që ka informacion mbi rastin të kontaktojë me autoritetet.
Është e lehtë të thuash “ishte sherr”, por pas fjalës sherr fshihet një botë e tërë dhimbjeje. Pas saj, sot një nënë është pa birin e saj… Çdo ditë e saj do të jetë një natë e zezë pa agim, çdo natë e saj do të jetë një makth pa fund.
Një familje e tërë është thyer përgjysmë… Dhe kjo plagë nuk shërohet kurrë.
Dua të bëj një thirrje për rininë dhe për çdo shqiptar: mos lejoni që një moment nervi, një fjalë e rëndë, një nxitim i çastit t’ju kthejë në vrasës të ëndrrave, të shpresave dhe të vetë jetës. Dhuna nuk është as forcë, as zgjidhje – dhuna është humbje, është errësirë, është gjak e lot që nuk mbarojnë kurrë.
Mos harroni, pas çdo viktime fshihet një nënë që qan, një familje që thyhet, një shoqëri që humbet. Dhe kjo është arsyeja pse duhet të zgjedhim paqen, arsyen dhe durimin.”
Ky mesazh është një thirrje e fortë për të rinjtë: të ndalen, të mendojnë më gjatë dhe të zgjedhin paqen e dialogun, para se një moment i shkurtër zemërimi të kthehet në një tragjedi.
