Sonte ndeshja e fundit për Messin në Argjentinë

Një epokë po mbyllet. Lionel Messi, futbollisti që ndryshoi historinë e Argjentinës dhe i dhuroi botës emocione të papërshkrueshme, është gati ta zhvillojë ndeshjen e tij të fundit me fanellën albiceleste në Argjentinë.

Mijëra tifozë pritet ta mbushin stadiumin për ta përshëndetur më të mirin e historisë së futbollit njeriun që solli Kupën e Botës pas 36 vitesh dhe që me talentin, përulësinë dhe magjinë e tij la gjurmë të pashlyeshme në historinë e futbollit.

Ndeshja e lamtumirës së Messit nuk është vetëm një ngjarje sportive, por një moment i rrallë historik e emocional për mbarë kombin argjentinas dhe miliona tifozë në gjithë globin. Çdo pasim, çdo driblim dhe çdo hap i tij në fushë sonte do të jetë i veçantë, një kujtim i gjallë për të ardhmen.

Për Argjentinën, Messi është më shumë se një futbollist. Ai është simbol i krenarisë kombëtare, një ëndërr e bërë realitet. Dhe kur ai të zbresë për herë të fundit në Argjentinë me fanellën bardhekaltër, do të jetë një moment ku lotët, duartrokitjet dhe këngët do të bëhen një.

Ndeshja Argjentina – Venezuela fillon në 01:30, pas mesnate.