Fillimi i hershëm i shkollës po dëmton adoleshentët – Ja se çfarë thonë ekspertët…

Ekspertët e gjumit po paralajmërojnë se orari i hershëm i shkollave të mesme po ndikon negativisht në shëndetin e nxënësve. Shumë shkolla në Pensilvani nisin mësimin para orës 8 të mëngjesit, madje disa që në 7:30.

Sipas neuroshkencëtares Joanna Fong-Isariyawongse, mungesa e gjumit është bërë krizë shëndetësore publike. Ajo lidhet drejtpërdrejt me depresionin, ankthin dhe rrezikun e vetëvrasjes tek adoleshentët, raporton PodujevaSot.net.

Studimet tregojnë se fëmijët në pubertet flenë më vonë dhe kanë nevojë për 8 deri në 10 orë gjumë. Megjithatë, me oraret e hershme, shumica e adoleshentëve flenë shumë më pak sesa u nevojitet.

Një projektligj në Pensilvani ka synuar që shkollat e mesme të mos fillojnë para orës 8:15, por ende nuk ka kaluar. Ndërkohë ekspertët theksojnë se prindërit duhet të vëzhgojnë shenja si luhatjet e humorit dhe mbetjen pas në mësime, raporton PodujevaSot.net.

Burimi: TAR