Policia jep detaje për vrasjen në Llapashticë të Podujevës
Zëdhënësja e Policisë për rajonin e Prishtinës, Flora Ahmeti, ka konfirmuar për Raporto24 se sot rreth orës 19:30 është raportuar për të shtëna me armë zjarri në fshatin Llapashticë të Podujevës.
“Sapo kemi pranuar informatën, njësitet e nevojshme policore kanë dalë menjëherë në vendngjarje, ku kanë hasur në një person pa shenja jete. Vdekjen e viktimës mashkull e ka konstatuar ekipi mjekësor në vendin e ngjarjes”, ka deklaruar Ahmeti.
Aktualisht, hetuesit policorë, në koordinim me prokurorin e shtetit, janë duke zhvilluar hetimet për të sqaruar të gjitha rrethanat e rastit./Raporto24/
