Edhe një trup i pajetë, tani bëhet fjalë për 47 vjeçar
Një tjetër rast i rëndë është regjistruar mbrëmë në Dragash, ku një burrë është gjetur pa shenja jete në banesën e tij private.
Sinjali mëson se viktima është një 47 vjeçar nga fshati Pllajnik, i cili u raportua pa shenja jete rreth orës 20:20.
Në vendngjarje kanë dalë patrulla policore dhe ekipi i hetuesisë, ndërsa mjeku kujdestar i QKMF Dragash ka konstatuar vdekjen e tij.
Më vonë, në rast janë përfshirë edhe hetuesit rajonalë dhe Forenzika, të cilët kanë bërë këqyrjen e vendit të ngjarjes. Me urdhër të Prokurorit të Departamentit për Krime të Rënda, trupi i pajetë është dërguar për obduksion në Institutin e Mjekësisë Ligjore në Prishtinë.
Hetimet për zbardhjen e shkaqeve të vdekjes po vazhdojnë nga Sektori Rajonal i Hetimeve.
