Blerta Deliu akuzon Kurtin për bllokimin e institucioneve

Deputetja e Partisë Demokratike të Kosovës (PDK), Blerta Deliu, ka reaguar ndaj deklaratave të kryeministrit Albin Kurti, duke e akuzuar atë për tentativë të vazhdueshme për të fajësuar të tjerët sa herë që përballet me sfida ose dështime.

Sipas saj, Kurti tani po mundohet të hedhë përgjegjësinë mbi Gjykatën Kushtetuese dhe partitë opozitare për vonesat në konstituimin e Kuvendit, ndërsa injoron, siç tha ajo, shkeljet e njëpasnjëshme të Kushtetutës nga ai dhe partia e tij.

“E vërteta për bllokimin e Parlamentit dhe institucioneve është e qartë: përgjegjësia ka një emër, Albin Kurti. Të tjerat janë propagandë e pastër”, u shpreh Deliu.

Ajo theksoi se opozita dhe qytetarët nuk do të lejojnë që përgjegjësia e kryeministrit të fshihet pas akuzave politike.