Lajm i mirë për mërgimtarët që jetojnë në Gjermani

Një sinjal pozitiv për mërgimtarët që kanë diplomuar jashtë Gjermanisë. Gjithnjë e më shumë diploma profesionale nga vendet e tjera po njihen në Gjermani, duke u hapur rrugë të reja punësimi për migrantët.

Kujdestarë, mjekë e inxhinierë janë në listën e profesioneve më të kërkuara. Vitin e kaluar janë pranuar rreth 79 mijë aplikime për njohje diplomash, një rritje prej 21 përqind krahasuar me vitin 2023, raporton PodujevaSot.

Zyra Federale e Statistikave në Visbaden tregon se prej vitit 2016 njohja e diplomave është rritur vazhdimisht dhe është trefishuar. Kjo pritet të ndihmojë Gjermaninë që po përballet me mungesë të madhe punëtorësh të kualifikuar, raporton PodujevaSot.

Turqia prin me 9200 diploma të njohura, pasuar nga Ukraina me 6400. Gjithashtu janë njohur diploma nga India, Siria, Tunizia, Bosnja dhe Filipinet. Profesionet më të njohura janë kujdestaria, mjekësia dhe inxhinieria.

Ky zhvillim shihet si një hap i rëndësishëm për të përballuar sfidat demografike dhe për të mbështetur sistemin social e ekonomik të Gjermanisë. Burimi: DW.