Shpërthim i madh në Vushtrri, gjendet edhe municion

Pas raportimit lidhur me një zjarr në një kodrinë është dëgjuar një shpërthim-detonim.

Sipas raportit 24 orësh të Policisë së Kosovës bëhet e ditur se rasti ka ndodhur të dielën rreth orës 10:09, në Vushtrri.

Po ashtu në raport thuhet se në vendin e ngjarjes kanë dalë njësitë policore dhe zjarrfikësit që e kanë lokalizuar zjarrin.

“Gjatë shikimit të vendit të ngjarjes është vërejtur një gropë ku janë gjetur edhe disa pjesë të armëve dhe municionit si: dy karikatorë të armëve, disa këllëfë të armëve, një shufër metalike dhe municion i ndryshëm. Në konsultim me prokurorin është iniciuar rasti dhe mbetet në hetime”, thuhet në raport.