LAJMI I FUNDIT: Humb jetën tragjikisht 19 vjeçari shqiptar në Itali

Një aksident i rëndë automobilistik ka ndodhur në orët e para të mëngjesit të së hënës, rreth orës 01:20, në nyjën rrugore që lidh rrugën Pontina me Appian, në territorin e Terracinës, Itali.

Nga përplasja e fuqishme mes dy automjeteve ka humbur jetën një 19-vjeçar me origjinë shqiptare, banues në Fondi, raportojnë mediat italiane.

Sipas të dhënave paraprake, në aksident janë përfshirë një Mercedes 220, që drejtohej nga vëllai 24-vjeçar i viktimës, dhe një Peugeot 107, e cila drejtohej nga një 23-vjeçare me profesion infermiere nga Sabaudia.