“Shkundet” Greqia, lëkundje të forta tërmeti

Një tërmet me magnitudë 5.1 ballë goditi mbrëmjen e djeshme në veri-veriperëndim të Nea Styra, një qytet bregdetar në ishullin grek të Evias, sipas Shërbimit Gjeologjik i SHBA-së.

Instituti Gjeodinamik i Greqisë njoftoi se epiqendra e tërmetit u lokalizua rreth 5 kilometra në perëndim-veriperëndim të qytetit Stira, në një thellësi prej 13.6 kilometrash.

Sipas mediave vendase, lëkundja u ndje pak para orës 12:30 të natës, ndërsa brenda 15 minutave pas saj u regjistruan dy pasgoditje me magnitudë 2.5 dhe 2.6 ballë të shkallës Rihter. Në orët që pasuan, u shënuan edhe katër lëkundje të tjera të lehta, me magnituda që varionin nga 1.6 deri në 2.0.

Sipas ekspertëve, zona nuk njihet për tërmete të mëdha, megjithatë aktualisht po bëhet analiza e të gjitha të dhënave për të dhënë një vlerësim të saktë.