Osmani: Nuk mund të bllokohet shteti për një nënkryetar

Presidentja e Kosovës, Vjosa Osmani ka bërë të ditur se tashmë ka ka dorëzuar në Kushtetuese komentet në lidhje me konstituimin e Kuvendit. 

Osmani tha se komentet e dorëzuara ka argumentuar se përderisa Kuvendi ka zgjedhur kryetarin dhe Kryesia ka kuorum, puna e këtij institucioni nuk mund të bllokohet, shkruan gazeta online Reporteri.net.

E para e shtetit në një konferencë për media tha se nllokimi i Kuvendit për shkak të moszgjedhjes së një nënkryetari të vetëm, përderisa kryesia ka kuorum, do ta cenonte në mënyrë serioze funksionalitetin institucional, por edhe vlerat në të cilat është themeluar Republika e Kosovës.

Në kushtet kur bllokohet konsituimi i Kuvendit për një nënkryetar të vetëm, përkundër faktit që kryesia ka kuorum të mjaftueshëm dhe ka kuorum dhe deputetët kanë kryer edhe betimin, në ato momente pamundësohet përfaqësimi i qytetarëve në institucionin më lartë përfaqësues, e rrjedhimisht edhe ushtrimi i sovranitetit. Mbrojtja e sovranitetit me të gjitha mjetet e përcaktuara me kushtetutë lidhet me vetë Kuvendin si bartës. Bllokimi i Kuvendit për shkak të moszgjedhjes së një nënkryetari të vetëm, përderisa kryesia ka kuorum, do ta cenonte në mënyrë serioze funksionalitetin institucional, por edhe vlerat në të cilat është themeluar republika jonë. Republika e Kosovës ka sistemin më të avancuar në tërë kontinentin evropian për mbrojtjen e të drejtave të komuniteteve, por këto të drejta nuk mund të abuzohen në një mënyrë që të shkelin edhe vetë qëllimin e tyre. Thelbi i komenteve që kemi dërguar sot bazohet edhe në nenin 57 të Kushtetutës, i cli parasheh se janë dy paragushte që të realizohen të drejtat e komuniteteve: detyrimi për të vepruar në përputhje me ligjet e Kosovës, gjë të cilën Lista Serbe besoj  se nuk ka nevojë për komentim nuk e bën, dhe detyrimi i dytë që ushtrimi i të drejtave të komuniteteve të mos shkelen të drejtat e të tjerëve.

Po synohet që për një nënkryetar, të bllokohet shteti në tërësi. Është detyrim i secilit prej nesh që ta bllokojmë çdo synim për ta arritur synimin e dështimit të Republikës. Qëndrimi ynë është se përderisa kryesia e Kuvendit ka kuorum, përderisa Kuvendi ka zgjedhur kryetar në përputhje me Kushtetutën. Kuvendi si institucion nuk mund të bllokohet”, tha Osmani në një konferencë për media.