Ekskluzive: Ky është 18 vjeçari që sapo u lirua rrahu nënën e tij

Numri i rasteve të dhunës në familje ka marrë përmasa shqetësuese në vendin tonë, pasi çdo ditë persona të ndryshëm përfundojnë në pranga si të dyshuar për dhunë ndaj familjarëve. Këto raste bëhen edhe më të rënda, kur viktima janë prindërit të cilët përjetojnë dhunë psikike e fizike nga fëmijët e tyre, raporton Gazeta Sinjali.

Një rast i tillë ka ndodhur në fshatin Carrallukë të Malishevës, ku një 18-vjeçar dyshohet se ka ushtruar dhunë ndaj nënës së tij, vetëm pak orë pas lirimit nga ndalimi policor për një rast të mëparshëm të njëjtë.

Burime të Sinjalit bëjnë të ditur se i dyshuari është Erald Krasniqi, rreth 18-vjeçar, i cili një ditë më parë ishte ndaluar për dhunë ndaj nënës së tij, por menjëherë pas lirimit ka përsëritur aktin e dhunës. Sinjali mëson se viktima L.K., rreth 46-vjeçar ka refuzuar trajtimin mjekësor dhe është kthyer në shtëpi me pëlqimin e saj.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.