Rama nënshkruan marrëveshje të rëndësishme me Prishtina Mall

Një projekt inovativ për lehtësimin e komunikacionit në kryeqytet po merr formë. Komuna e Prishtinës ka nënshkruar marrëveshje bashkëpunimi me Prishtina Mall, për ta kthyer parkingun e qendrës tregtare në pjesë të sistemit Park & Ride, shkruan PodujevaSot.

Ky model do t’u mundësojë qytetarëve që të parkojnë veturat e tyre falas në hapësirat e Prishtina Mall, të marrin biletë pa pagesë për autobusët urban dhe më pas të udhëtojnë lehtë e shpejt drejt qendrës së kryeqytetit.

Përfitimet janë të shumta: zvogëlimi i kolonave dhe trafikut në qytet, kursimi i kohës dhe i parasë, si dhe mbrojtja e mjedisit.

Ky është një hap i rëndësishëm drejt një Prishtine më të qasshme, më të pastër dhe më të jetueshme për të gjithë.

Projekti gjithashtu shënon një shembull të suksesshëm të bashkëpunimit publik-privat, që mund të shërbejë si model për të ardhmen e kryeqytetit.