Abdixhiku paralajmëron protestë nëse ndodh kjo gjë

Kryetari i Lidhjes Demokratike të Kosovës, Lumir Abdixhiku, ka paralajmëruar se partia e tij mund të braktisë institucionet dhe të dalë në protesta nëse nuk respektohet Kushtetuta e Kosovës. Ai këtë e tha në emisionin “Rubikon” në Klan Kosova.

Abdixhiku tha se LDK-ja për 25 vite ka vepruar vetëm brenda institucioneve të Kosovës, por nëse bie respektimi i Kushtetutës, atëherë kjo nuk ka më kuptim, raporton Podujeva Sot.

Ai theksoi se një vendim i tillë do të merrej nëpërmjet organeve të partisë, duke lënë rrugën institucionale dhe duke iu bashkuar rrugës së protestës.

“Nëse nuk ka respektim të Kushtetutës dhe të rregullave kushtetuese, nuk ka kuptim të ulemi në Parlament dhe të vazhdojmë sikur asgjë s’ka ndodhur”, tha Abdixhiku, raporton Podujeva Sot.