Mësohet emri i kosovarit që theri një grua në Gjermani

Hetimet rreth sulmit me thikë që ndodhi javën e kaluar në Essen të Gjermanisë po vazhdojnë me zhvillime të reja.

Protagonist i kësaj ngjarjeje të rëndë është 17-vjeçari nga Kosova, Erjon S., i cili e ka goditur me thikë në bark mësuesen e tij.

Mediat gjermane raportojnë se Erjon S. kishte sulmuar edhe një burrë të pastrehë, ndërsa më pas kishte publikuar një video ku merrte përgjegjësinë për sulmin.

Autoritetet gjermane kanë bërë të ditur se hetimet për zbardhjen e plotë të rastit janë ende në vazhdim.