Zyrtare: Thiago Alcantara rikthehet në Barcelonë

Thiago Alcantara është rikthyer në Barcelonë, këtë herë jo si futbollist, por si pjesë e stafit të trajnerit Hansi Flick. Lajmi është zyrtar dhe i konfirmuar nga klubi katalanas, shkruan PodujevaSot.

Mesfushori spanjoll me origjinë braziliane, i cili u pensionua nga futbolli pak muaj më parë pas një karriere të lavdishme me Barcelonën, Bayern Munich dhe Liverpool, tashmë do të jetë pjesë e stafit teknik të “Blaugranave”.

Thiago është i njohur për inteligjencën e tij taktike dhe përvojën e pasur në futbollin evropian, dhe pritet të sjellë një dimension të ri në punën e Flick me skuadrën.

Ky rikthim shënon një kapitull të ri në marrëdhënien e gjatë mes Thiagos dhe Barcelonës, klub ku ai hodhi hapat e parë si futbollist profesionist.