Policia deklarohet për vetëvrasjen në Podujevë
Zëdhënësi i Policisë për rajonin e Prishtinës, Agron Borovci është deklaruar rreth vetëvrasjes në Podujevë.
“Rreth orës 14:00, është raportuar se në rrugën “Isuf Koliqi” në Podujevë, një person ka rënë nga lartësia e një objekti. Policia menjëherë ka dalë në vendin e ngjarjes ku ka ftuar edhe mjekët emergjent të cilët kanë konstatuar se personi, femër, rreth 50 vjeç, është pa shenja jete”, ka thënë Borovci.
Policia ka nisur punën për zbardhjen e plotë të të gjitha rrethanave që karakterizojnë rastin.
