Tragjike: Dy aksidente me anije, të paktën 193 të vdekur në këtë shtet

Dy aksidente të rënda me anije kanë shkaktuar mbi 190 viktima gjatë kësaj jave në një nga vendet më të prekura nga tragjeditë lumore, në Republikën Demokratike të Kongos.

Në këtë shtet afrikan, transporti me anije është zgjedhja më e lirë për shumë qytetarë, por anijet prej druri shpesh janë të mbingarkuara dhe pa jelekë shpëtimi, raporton Podujeva Sot.

Njëra nga anijet me rreth 500 pasagjerë u përfshi nga flakët dhe u përmbys përgjatë lumit Kongo, ku 209 persona u shpëtuan, ndërsa një ditë më parë 86 studentë humbën jetën në territorin Basankusu.

Shkaqet e sakta ende nuk janë konfirmuar, por grupet lokale po fajësojnë autoritetet për mungesë të sigurisë, raporton Podujeva Sot.