Kosova merr kontrollin e objektit në Graçanicë që përdorej nga Posta e Serbisë

Posta e Kosovës ka marrë nën kontroll një objekt në Graçanicë i cili më herët përdorej nga Posta e Serbisë. Ky objekt ishte mbyllur në janar të këtij viti, në kuadër të veprimeve për të shuar institucionet që funksionin sipas sistemit të Serbisë.

KosovaPress ka pyetur Postën e Kosovës por ende nuk ka ndonjë deklarim dhe nuk dihet se për çka do të përdoret ky objekt.

Në vitet e fundit ka pasur mbyllje edhe të disa objekteve të tjera si Banka Kombëtare e Serbisë, Banka Kursimore Postare dhe disa organe të tjera të përkohshme komunale.

Autoritetet shtetërore i konsiderojnë ilegale dhe paralele institucionet serbe për komunat në Kosovë.