Aksident mes tri veturave në autostradë, lëndohet një person
Një aksident trafiku ka ndodhur mbrëmë rreth orës 20:00 në autostradën “Arbër Xhaferi”, ku janë përfshirë tri automjete.
Sipas GazetaBlic, një person ka pësuar lëndime dhe ka kërkuar ndihmë mjekësore, raporton Podujeva Sot.
Zëdhënësi i Policisë së Kosovës, Bajram Krasniqi, ka konfirmuar për GazetaBlic se aksidenti ka ndodhur në drejtimin Babush-Bibaj dhe se njësitë e trafikut kanë dalë në vendin e ngjarjes për të kryer procedurat e nevojshme.
Ai tha se është bërë vend-shikimi për zbardhjen e rrethanave të aksidentit, raporton Podujeva Sot.
