Tentim vrasje në një kafeteri në Gjakovë, një person i lënduar

Një tentim vrasje ka ndodhur sot në një kafeteri në qytetin e Gjakovës, ku një person ka mbetur i lënduar pas një përleshjeje mes dy burrave.

Ngjarja ka ndodhur rreth orës 11:10 në rrugën “Anton Çeta”, ku sipas policisë, njëri nga të përfshirët ka përdorur një mjet të mprehtë ndaj tjetrit, raporton Podujeva Sot.

Si pasojë e këtij veprimi, viktima ka marrë lëndime trupore dhe është dërguar për trajtim mjekësor, ndërsa i dyshuari është arrestuar nga njësitet policore.

Zëdhënësja e Policisë për rajonin e Gjakovës, Vlera Krasniqi, ka bërë të ditur se me urdhër të prokurorit, i dyshuari është dërguar në mbajtje për 48 orë, raporton Podujeva Sot.